George Martin

Dr Sir George Henry Martin (CBE; * 3. Januar 1926 z Holloway, hüte London Borough of Islington, Ängland, † 8. Merz 2016) isch äine vo de bedütendste britische Muusigbroduzänte gsi. Er het e maassgääblige Iifluss uf d Karriere vo de Beatles gha und het sine Ufnaame für d Beatles und anderi Bänds nöji Drend gsetzt. Doorum ghöört er zu de Persoone, wo d Medie iine dr Status vom „fümfte Beatle“ gee häi.